THOMAS

I.

THOMAS

Cardinalis Strigoniensis, indulgentiis liberaliter propositis, omnem plebem in Hungaria, ad pacem cum Turcis rumpendam, concitavit, A. C. 1514. Paul. Iovius Hist. l. 13.

II.

THOMAS

Dempsterus a Muresk ICtus Auctor Hist. Eccl. Scot. Scotus. Idem Antiquitatum Roman. absoutissimum edidit corpus, in quo, praeter ea, quae Iohannes Rosinus delineaverat, infinita supplentur, adduntur: ex Criticis et omnibus utriusque linguae auctoribus collectum, Poetis, Oraroribus, Historicis, Iurisconsultis, qui ibi laudantur, explicantur et corriguntur; in 4 to Genevae prodiit, 1658.

III.

THOMAS

Diaconus, in cuius femoralia ludens ad Alachis, qui Cunibertum Italiae regnô spoliaverat, odium sibi concitavit, A. C. 691. P. Diaconus Longob. l. 5. c. 40. 41. et l. 6.

IV.

THOMAS

Episcopus Apamcenit, Cosroem urbi dira omnia minantem, scitô responsô, placavit, circa A. C. 544.

V.

THOMAS

Tyrannus Orientis, ex gregario milite. Hunc Leo Armenius Imperator Legionum suarum fortissimae praefecit: cui cum Michael Balbus succederet, Thomas contra ipsum insurgens, totâ Asiâ potitus est, sub ultionis praetextu, throno inhians. Interim audiens, Saracenos rebellâsle, illos brevi devictos sibi iunxit, et Antiochiae purpuram sumpsit: Clasle quoque Imperatoris in suam potestatem redactâ, Constantinopolim obsedit. Sed bis mari, ter terrâ superatus, Adrianopolim confugit, a civibus Michaeli deditus, A. C. 823. a quo exquisitissimis cruciatibus, una cum Anastasio, quem e Monasterio extractum Caesarem creaverat, enecatus est. Alii tamen affirmant, eum Senatoris cuiusdam uxote corruptâ ad Saracenos se recepisse, fide abnegatâ, dein Constantinum Irenes filium se mentitum Armeniam, sub Leone Armenio, occupâsse. Cedrenus, Zonar. Baton. in Annal. Comites Sabaudiae.

VI.

THOMAS

unus ex Christi Apostolis, cum Domini sui resurrectionem credere nollet, ab illo convictus est, argumentô irrefragabili: Unde incredulitatem eius plus profuisse nobis, quam reliquorum Apostolorum fidem, ait Chrysost. homil. 2. in Matth.

Dealbavit Aethiopes, verba huius; iisque Euangelium annuntiavit, ut et Parthis, Persis, Medis, Indis, et Taprobanae incolis. Lanceae ictu, prope urbem Meliaput, hodie urbem S. Thomae dictam, confoslus, martyrium subiit. In regnis Narsinga, Cranganor, et vicinis regionibus haec constans traditio est, et Christiani S. Thomae dicti, qui ibi repetiuntur, varia de hoc Apostolo narrant, ex Annalibus suis desumpta, et a Malabarum infantibus decantari solita. Ioh. c. 20. v. 24. Euseb. Hist. l. 3. Nicephorus, l. 2. c. 46. Maffaeus, Hist. Ind. Petr. de Valle, Itiner. tom. 4. Latin. Gemellus. Eius Acta Iactabant legebantque Apotactici, Encratitae, Quartidecimani; Apocalypfin citat Gratianus Decr. part. 1. Euangelium Mnaichaei adhibebant. Vide Suicer. passim.